368.59
Թուրքիայի նախագահը պարզաբանել է Բայդենի հետ նախատեսված հանդիպման հետաձգման պատճառը
1 րոպեի ընթերցում
ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանի այցն ԱՄՆ հետաձգվել է նախագահ Բայդենի գրաֆիկի հետ անհամատեղելիության պատճառով։
«Արմենպրես»-ի հաղորդմամբ՝ այս մասին Էդողանն ասել է Kathimerini թերթին տված հարցազրույցում՝ անդրադառնալով նաև թուրք-հունական հարաբերություններում ԱՄՆ-ի միջնորդական դերակատարության հնարավորությանը:
Նախատեսված այցի հետաձգումը Թուքրիայի նախագահը պայմանավորել է ԱՄՆ-ի՝ ընտրությունների նախաշեմին գտնվելը, որի պատճառով Բայդենի գրաֆիկն ավելի հագեցած է դարձել։
Էրդողանի խոսքով՝ նման այցելություններն իրականացվում են երկու կողմերի համար հարմար ժամանակ։
Խոսելով թուրք-հունական հարաբերություններում ԱՄՆ միջնորդական դերակատարության մասին, Էրդողանը նշել է, որ հանդես են գալիս Թուրքիայի և Հունաստանի հարաբերություններում ԱՄՆ-ի քաղաքական հավասարակշռության պահպանման օգտին, բացի այդ, Թուրքիան ուղիղ կապ է պահպանում Հունաստանի հետ՝ առանց միջնորդների։
Բաժանորդագրվեք մեր ալիքին Telegram-ում