Միջազգային

Պուտինը նոր նախագահական ժամկետում առաջին այցը կկատարի Չինաստան

1 րոպեի ընթերցում

Պուտինը նոր նախագահական ժամկետում առաջին այցը կկատարի Չինաստան

ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Պաշտոնը նոր ստանձնած Ռուսաստանի նախագահ Վլադիմիր Պուտինի՝ Թուրքիա այցի ժամկետներն առայժմ որոշված ​​չեն, բայց այդ այցը կկայանա ՌԴ նախագահի՝ Չինաստան այցից հետո։ «Արմենպրես»-ի փոխանցմամբ՝ այդ մասին ՏԱՍՍ-ին հայտնել է ՌԴ նախագահի օգնական Յուրի Ուշակովը։

«Ո՛չ, առայժմ չեն որոշվել, - պատասխանել է Կրեմլի ներկայացուցիչը Պուտինի՝ Թուրքիա այցի ժամկետների մասին հարցին։ - Բայց ես նույնիսկ վստահ եմ, որ դա տեղի կունենա արդեն Չինաստանից հետո, որովհետև նախագահի առաջին արտասահմանյան այցը կլինի Չինաստան»։

Այցի ժամկետների մասին պաշտոնապես կհայտարարվի առաջիկա օրերին։

Ուշակովը նշել է, որ դա կլինի Ռուսաստանի ղեկավարի առաջին միջազգային այցը պաշտոնն ստանձնելուց հետո։

«Մենք դա խոստացել ենք չինացիներին, և չինացիները հանդես են եկել նման առաջարկով: Դա, կարելի է ասել, պատասխան քայլ է նախագահ Սի Ծինփինի առաջին պաշտոնական այցին, որը տեղի ունեցավ անցյալ տարի` նույնպես համապատասխան ընտրություններից հետո»,- ասել է Ուշակովը։

Նա հավելել է, որ Թուրքիա այցը օրակարգում է:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում