Լեհաստանում գաղտնալսման սարքեր են հայտնաբերել շենքում, որտեղ տեղի է ունենալու կառավարության նիստ

ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Լեհաստանի հատուկ ծառայությունները հայտարարել են, որ գաղտնալսման սարքեր են հայտնաբերել Կատովիցե քաղաքի շենքերից մեկում, որտեղ մայիսի 7-ին պետք է կայանար Նախարարների խորհրդի նիստը։ «Արմենպրես»-ի փոխանցմամբ՝ այս մասին հաղորդում է Polskie Radio լրատվամիջոցը:

Posiedzenie rządu na podsłuchu? Interweniowały ABW i SOPhttps://t.co/FdKu78iJNr

— PolskieRadio24.pl (@PR24_pl) May 7, 2024

«Պետական պ​​ահպանության ծառայությունը, համագործակցելով Ներքին անվտանգության գործակալության հետ, հայտնաբերել և ապամոնտաժել է սարքեր, որոնք կարող էին գաղտնալսման համար օգտագործվել այն շենքում, որտեղ այսօր Կատովիցեում պետք է կայանար Նախարարների խորհրդի նիստը», - գրել է հանրապետության հատուկ ծառայությունների նախարար-համակարգողի մամուլի քարտուղար Յացեկ Դոբժինսկին X սոցիալական հարթակում։

Służba Ochrony Państwa we współpracy z Agencją Bezpieczeństwa Wewnętrznego wykryła i zdemontowała urządzenia mogące służyć do podsłuchu w sali gdzie dziś w Katowicach ma odbyć się posiedzenie Rady Ministrów. Służby prowadzą dalsze czynności w tej sprawie pic.twitter.com/OOdZPSiifU

— Jacek Dobrzyński (@JacekDobrzynski) May 7, 2024

Նրա խոսքով՝ հետախուզական ծառայությունները կատարում են այդ միջադեպի հետաքննություն:

Ըստ Reuters գործակալության՝ Լեհաստանը Ռուսաստանի ռազմական գործողությունների ընթացքում Ուկրաինա զենքի մատակարարումների համար հանգույց է հանդիսանում և ուժեղացված հսկողություն է իրականացնում լրտեսական գործունեության ցանկացած նշանի հայտնաբերման համար։