1 րոպեի ընթերցում
ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ։ Լոնդոնի արևելքում թրով զինված մի տղամարդ հարձակվել է մարդկանց վրա՝ վիրավորելով 5 հոգու, այդ թվում՝ 2 ոստիկանի։ «Արմենպրես»-ի փոխանցմամբ՝ այս մասին հաղորդում է BBC-ն։
Several injuries were reported in a stabbing in London#London #UK
A critical incident has been declared with multiple people injured when a car rammed into a house in east London. Several people have been stabbed in Hainault, Redbridge after the car crashed into a… pic.twitter.com/OgjanbOLsR
— World News (@ferozwala) April 30, 2024
Ըստ հրապարակման՝ ոստիկանությունը հաղորդագրություն է ստացել, որ տեղական ժամանակով 07։00-ի մոտ մի մեքենա մտել է Հեյնոթ թաղամասում գտնվող տներից մեկի մեջ, այնուհետև կասկածյալը սկսել է թրով հարձակվել մարդկանց վրա։
36-ամյա տղամարդը ձերբակալված է։ Ոստիկանությունը հայտնել է, որ միջադեպն ահաբեկչության հետ առնչություն չունի։
Հեյնոթի մետրոյի կայարանը փակվել է, որոշ ճանապարհներ շղթայվել են, ավտոբուսների երթուղին փոխվել է։