1 րոպեի ընթերցում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Եվրասիական տնտեսական միությունում (ԵԱՏՄ) 2023 թվականին ապրանքաշրջանառությունը հասել է ռեկորդային մակարդակի և կազմել 7,4 տրիլիոն ռուբլի։ Դա կրկնակի ավելի է, քան միավորման ստեղծման պահին։ «Արմենպրես»-ի փոխանցմամբ՝ այս մասին հայտնել է ՌԴ վարչապետ Միխայիլ Միշուստինը «Եվրասիական ինտեգրումը բազմաբևեռ աշխարհում» ռազմավարական նստաշրջանում։
«Մշտապես ընդլայնվում է նաև փոխադարձ առևտուրը: 2023 թվականին Եվրասիական տնտեսական միությունում այն հասել է ռեկորդային 7 տրիլիոն 400 միլիարդ ռուբլու՝ ըստ էության, կրկնապատիկ ավելի, քան ստեղծման պահին: Իսկ Անկախ Պետությունների Համագործակցությունում (խմբ՝ առևտրի ծավալը) հաղթահարել է 10 տրիլիոն ռուբլու նշագիծը», - Միշուստինի խոսքերն է մեջբերում ՏԱՍՍ-ը: