1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Ռուսաստանի Օմսկի մարզում Կրասնոյարսկի մայրուղու վրա գտնվող ձեռնարկությունում այրվել է նավթամթերքով լի երեք ցիստեռն՝ յուրաքանչյուրը 50 խորանարդ մետր ծավալով։ «Արմենպրես»-ի փոխանցմամբ՝ այս մասին հաղորդում է «Ինտերֆաքս» գործակալությունը՝ վկայակոչելով արտակարգ իրավիճակների նախարարությունը։
Բռնկման մասին ահազանգն արտակարգ իրավիճակների նախարարությունն ստացել է տեղական ժամանակով 11:50-ին: Ժամը 13։35-ին բաց կրակը մեկուսացվել է։
Այրվող տարաները գտնվում էին բաց տարածքում:
Տուժածներ չկան։
Հրդեհի մարմանը գործի է դրվել 58 հրշեջ և 15 միավոր տեխնիկա, ինչպես նաև երկու հրշեջ գնացք։