Նյու Յորքում սկսվել է Թրամփի դեմ քրեական գործով դատավարությունը
1 րոպեի ընթերցում
![Նյու Յորքում սկսվել է Թրամփի դեմ քրեական գործով դատավարությունը](http://armenpress.am/resized/480/static/news/b/2024/04/1135384.jpg)
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ։ ԱՄՆ նախկին նախագահ Դոնալդ Թրամփը ժամանել է Նյու Յորքի դատարան, որտեղ սկսվում է իր սիրուհիներին լռեցնելու նպատակով նրանց վճարելու և դրա պատճառով գործարար հաշվետվությունները կեղծելու գործով քրեական դատավարությունը։ «Արմենպրես»-ի փոխանցմամբ՝ այս մասին հաղորդում է CNN-ը։
Թրամփի ենթադրյալ սիրուհիներն են նախկին մի պոռնոաստղ և Playboy-ի մի մոդել։
Սա պատմական իրադարձություն է, քանի որ ԱՄՆ որևէ նախկին նախագահ երբևէ քրեական հետապնդման չի ենթարկվել։
Թրամփի հանդեպ մեղադրանքը ներառում է 34 կետ՝ կապված գործարար հաշվետվությունները կեղծելու հետ, որի նպատակն է եղել, ենթադրաբար, 2016 թ․ ընտրություններից առաջ «վնասարար տեղեկությունները և անօրինական գործողությունները ամերիկացի ընտրողներից թաքցնելը»։