Միջազգային

Չինաստանում հեղեղումների պատճառով 110 000 մարդ է տարհանվել

2 րոպեի ընթերցում

Չինաստանում հեղեղումների պատճառով 110 000 մարդ է տարհանվել

ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ։ Չինաստանի Գուանդուն նահանգում իշխանությունները 110 000 մարդու են տարհանել հորդառատ անձրևներին հաջորդած հեղեղումների պատճառով։ Ըստ տեղի լրատվամիջոցների՝ 4 մարդ է զոհվել, 10 մարդ անհետ կորած է։ «Արմենպրես»-ի փոխանցմամբ՝ այս մասին հաղորդում է BBC-ն։

Փրկարարները հեղեղված շրջաններից մարդկանց դուրս են բերել նավակներով։ Մի քանի խոշոր գետեր դուրս են եկել ափերից։

856d48d268e93f72151ee925e7d5ca01.jpg (61 KB)

Գուանդուն նահանգի մեծ մասը գտնվում է Չզուցզյան գետի ցածրադիր դելտայում, որտեղ հեղեղների հավանականությունը մեծ է։ Նահանգը, որը Չինաստանի ամենախիտ բնակեցվածներից է, նաև խոշոր արտադրական կենտրոն է։ Հեղեղներից ամենաշատը տուժել են նահանգի մայրաքաղաք Գուանչժոուն և Շաոգուան ու Հեյուան քաղաքները։

Շուրջ 1,16 մլն տուն շաբաթ և կիրակի օրերին զրկվել է էլեկտրականությունից։ Գուանչժոուի օդանավակայանում հետաձգվել կամ չեղարկվել են բազմաթիվ չվերթեր։ Առնվազն երեք քաղաքներում փակվել են դպրոցները։ Տասնյակ տներ փլուզվել են կամ մեծապես վնասվել։

b1639c33-b45d-48ae-895c-e3d44b702e03.jpeg (696 KB)

Իշխանությունները հեղեղների պատճառած ուղղակի տնտեսական վնասները գնահատում են 19,8 մլն դոլար։

Ըստ օդերևութաբանների կանխատեսումների՝ Գուանդունում և հարևան Ֆուցզյանի նահանգի ափամերձ շրջաններում հորդառատ անձրևները կշարունակվեն առնվազն մինչև ապրիլի 23-ը։

DNA-20-1-6.jpg (102 KB)

r0_0_800_600_w800_h600_fmax.jpg (88 KB)

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում