Դեսպան Դըկոտինյին և Ֆրանսիայի Սենատի պատվիրակությունն այցելել են Գորիս

ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հայաստանում Ֆրանսիայի արտակարգ և լիազոր դեսպան Օլիվիե Դըկոտինյին և Ֆրանսիայի Սենատի պատվիրակությունն այցելել են Գորիս և ծանոթացել Հայաստանում Եվրոպական Միության դիտորդական առաքելության կողմից իրականացվող աշխատանքներին։

«Արմենպրես»-ի հաղորդմամբ՝ այս մասին նշվում է դիտորդական առաքելության X-ի գրառման մեջ։

«Պատիվ է ընդունել Հայաստանում Ֆրանսիայի դեսպան Օլիվիե Դըկոտինյիին և ֆրանսիական Սենատի պատվիրակությանը։ Լավ և արդյունավետ քննարկում՝ տարածաշրջանի քաղաքական իրավիճակի վերաբերյալ»,- նշում է առաքելությունն իր գրառման մեջ՝ հավելելով, որ այցելուները միացել են Գորիսի տարածքում իրականացվող պարեկությանը՝ դիտորդական առաքելության աշխատանքի մասին ավելին իմանալու համար։

Honored to receive the French Ambassador @O_Decottignies @AmbaFR_Armenie and the delegation from the French @Senat . The visitors joined a patrol in Goris area to learn more about EUMA's work . Good and fruitful discussion on the political situation in the region. Merci! pic.twitter.com/LglkfJvPAA

— European Union Mission in Armenia (@EUmARMENIA) April 22, 2024

Այցի մասին X-ի իր էջում գրառում է արել նաև ՀՀ-ում Ֆրանսիայի դեսպան Օլիվյե Դոկոտինյին․

«Սենատի Ֆրանսիա-Հայաստան միջխորհրդարանական բարեկամական խմբի այցը Գորիս, Սյունիքի մարզ՝ նախագահ պարոն Ժիլբեր-Լյուկ Դըվինազի գլխավորությամբ»,- գրել է դեսպանը։

Սենատի Ֆրանսիա-Հայաստան միջխորհրդարանական բարեկամական խմբի այցը Գորիս, Սյունիքի մարզ՝ նախագահ պարոն Ժիլբեր-Լյուկ Դըվինազի գլխավորությամբ:https://t.co/q8f22dnQvg

— Olivier Decottignies (@O_Decottignies) April 22, 2024