Միջազգային

Ամստերդամի քաղաքապետը կոչ է արել կարգավորել կոկաինի և էքստազիի վաճառքը

1 րոպեի ընթերցում

Ամստերդամի քաղաքապետը կոչ է արել կարգավորել կոկաինի և էքստազիի վաճառքը

ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ։ Ամստերդամի քաղաքապետ Ֆեմկե Հալսեման կարծում է, որ կոկաինի և էքստազիի նման թունդ թմրանյութերի վաճառքը պետք է կարգավորվի որպես թմրամիջոցների առևտրի դեմ պայքարի միակ միջոց։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։

«Կարծում եմ, որ հոգեմետ որոշ միջոցներ վտանգավոր են, ուստի խելամիտ կլինի նվազեցնել թմրամիջոցների օգտագործումը: Այնուամենայնիվ, ես նաև նկատում եմ, որ այն, ինչ մենք անում ենք, չի օգնում։ Պետք է մտածենք թմրամիջոցների կարգավորման ավելի լավ ուղիների մասին»,- ասել է Ամստերդամի քաղաքապետը։

Նրա խոսքով՝ վերահսկողության ներկայիս մեթոդները ոչ մի ազդեցություն չեն ունեցել, կոկաինի փողոցային գինը մնացել է նույնը։

«Հեգնական չէ՞, որ թմրանյութերի առևտուրը թողնում ենք հանցագործներին և չենք փորձում ճանապարհ գտնել քաղաքակիրթ շուկա ստեղծելու համար», - նշել է Հալսեման։

Նա հավելել է, որ կոկաինի շրջանառությունը կարգավորվող շուկայի տարբերակով կարելի է մտածել նաև էքստազիի շուկա ստեղծելու մասին:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում