Միջազգային

Կոպենհագենում 17-րդ դարի Ֆոնդային բորսայի շենքում հրդեհ է բռնկվել

1 րոպեի ընթերցում

Կոպենհագենում 17-րդ դարի Ֆոնդային բորսայի շենքում հրդեհ է բռնկվել

ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Կոպենհագենում բռնկվել է քաղաքի ամենահին շենքերից մեկը՝ ֆոնդային բորսայի շենքը։ Պատճառները դեռ հայտնի չեն։

«Արմենպրես»-ն այս մասին տեղեկանում է Associated Press-ի հրապարակումից:

Հրդեհի հետևանքով փլուզվել է բորսայի աշտարակի նշանավոր՝ 56-մետրանոց սայրաձողը, որը պատրաստվել էր վիշապների միահյուսված պոչերի տեսքով։

Հրդեհը բռնկվել է տանիքից և տարածվել ամբողջ շենքում։ Փլուզվել է նաև տանիքի մի մասը:

Հրշեջները նշել են, որ հրդեհը բարդության բարձր մակարդակ ունի, այրվող կոնստրուկցիաների մի մասը վտանգավորության պատճառով անհասանելի է:

Ֆոնդային բորսայի՝ 17-րդ դարի շենքը գտնվում է Քրիստիանսբորգ պալատի մերձակայքում, որտեղ խորհրդարանը նիստ է գումարում, և շատ սիրված վայր է զբոսաշրջիկների շրջանում:

Ներկայումս այնտեղ է գտնվում Դանիայի Առևտրի պալատը։

Associated Press-ը հաղորդում է, որ հրդեհը սկսվելուն պես մարդիկ սկսել են շենքից փրկել նկարները։ Այդ մարդկանց շարքում է եղել Առևտրի պալատի ղեկավար Բրայան Միքելսենը, որը հրդեհը որակել է ազգային աղետ։

1615 թվականին կառուցված Բորսայի շենքում վերակառուցման աշխատանքներ էին ընթանում։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում