Միջազգային

Բորելը նշել է, որ Եվրամիությունը պետք է պատրաստ լինի ինքնուրույն պաշտպանելու իրեն

1 րոպեի ընթերցում

Բորելը նշել է, որ Եվրամիությունը պետք է պատրաստ լինի ինքնուրույն պաշտպանելու իրեն

ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Եվրոպայի երկրները պետք է սեփական անվտանգությունն ապահովեն ինքնուրույն: «Արմենպրես»-ի փոխանցմամբ՝ Եվրոպայի արտաքին կապերի ծառայության կայքում հրապարակված հոդվածից ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելի խոսքերն է մեջբերել ՏԱՍՍ գործակալությունը:

«Մենք պետք է ստանձնենք ռազմավարական պատասխանատվություն Եվրոպան ինքնուրույն պաշտպանելու ունակության համար՝ ստեղծելով զորեղ հիմք Հյուսիսատլանտյան դաշինքի (ՆԱՏՕ) ներսում», - նշել է նա:

ԵՄ դիվանագիտական ​​ծառայության ղեկավարն ընդգծել է, որ Եվրամիությանն անհրաժեշտ է փոխել եվրոպական պաշտպանության ամբողջ պարադիգմը, քանի որ համայնքի երկրները «չափազանց երկար են անվտանգությունը պատվիրակել ԱՄՆ-ին, իսկ վերջին 30 տարում՝ Բեռլինի պատի անկումից հետո, թույլ են տվել լուռ զինաթափում»։ Դրա հետ մեկտեղ նա հայտնել է, որ այդ քայլը պահանջվում է անել ոչ այն պատճառով, որ ԵՄ-ն պատրաստվում է պատերազմի։ Ինչպես պնդել է Բորելը, Եվրամիությունը ցանկանում է ունենալ «ցանկացած ագրեսորի հուսալի զսպման միջոցներ»:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում