ՄԱԿ-ին անդամակցելու Պաղեստինի դիմումը կուղարկվի համապատասխան կոմիտե
1 րոպեի ընթերցում
![ՄԱԿ-ին անդամակցելու Պաղեստինի դիմումը կուղարկվի համապատասխան կոմիտե](http://armenpress.am/resized/480/static/news/b/2024/04/1134281.jpg)
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ։ ՄԱԿ-ի Անվտանգության խորհուրդը ՄԱԿ-ին միանալու Պաղեստինի դիմումը կփոխանցի նոր անդամների ընդունման կոմիտեին:
«Արմենպրես»-ի հաղորդմամբ՝ ինչպես փոխանցում է ՌԻԱ Նովոստին, այս մասին
լրագրողներին ասել է ՄԱԿ-ում Մալթայի մշտական ներկայացուցիչ Վանեսա Ֆրեյզերը, ով նախագահում է Անվտանգության խորհուրդը։
Նրա խոսքով՝ ընդառաջ գնալով Պաղեստինի խնդրանքին ՄԱԿ անդամության իր դիմումը քննարկելու վերաբերյալ, ԱԽ-ն համաձայնել է այսօր՝ ապրիլի 8-ին, բաց նիստ անցկացնել՝ Պաղեստինի նամակը պաշտոնապես հանձնելու նոր անդամների ընդունման կոմիտեին։
Ըստ Ֆրեյզերի՝ հանձնաժողովը ապրիլի ընթացքում կքննարկի նամակը։
Նա միաժամանակ հավելել է, որ ՄԱԿ ԱԽ-ի յուրաքանչյուր անդամ կարող է ցանկացած պահի որոշել անդամակցության վերաբերյալ բանաձև ներկայացնել դրա քվեարկության համար։