Թայվանում երկրաշարժի զոհերի թիվը հասել է 12-ի
1 րոպեի ընթերցում
![Թայվանում երկրաշարժի զոհերի թիվը հասել է 12-ի](http://armenpress.am/resized/480/static/news/b/2024/04/1134058.jpg)
ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: Թայվանում տեղի ունեցած երկրաշարժի զոհերի թիվը հասել է 12-ի։ Գիշերը 50 հետցնցում է գրանցվել, որոնք նույնիսկ զգացվել են մայրաքաղաք Թայբեյում։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Ըստ Արտակարգ իրավիճակների հետևանքների վերացման շտաբի տվյալների՝ վիրավորվել է 1106 բնակիչ։
Հարյուրավոր մարդիկ օգնության են սպասում դժվարամատչելի շրջաններում։ Շուրջ 400 մարդ արգելափակված է Տարոկո ազգային պարկի հյուրանոցներից մեկում, որտեղից ուղղաթիռներով դուրս են բերում վիրավորներին և սննդամթերք են հասցնում։
18 մարդ նախկինի պես անհետ կորած է:
Թայվանի արևելյան Հուալյան շրջանում 7,2 մագնիտուդով երկրաշարժը տեղի է ունեցել ապրիլի 3-ին։ Վերջին անգամ Թայվանում նման հզոր երկրաշարժ էր տեղի ունեցել 1999 թվականին։ 7,6 մագնիտուդով ցնցումների հետևանքով շուրջ 2400 մարդ էր զոհվել, 50 000 շենք ավերվել էր կամ վնասվել։