Միջազգային

ԱԹՍ-ն հարվածել է Բելգորոդի բազմաբնակարան շենքերից մեկին․ կա զոհ

1 րոպեի ընթերցում

ԱԹՍ-ն հարվածել է Բելգորոդի բազմաբնակարան շենքերից մեկին․ կա զոհ

ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Անօդաչու թռչող սարքը մխրճվել է բազմաբնակարան շենքի մեջ, որի հետևանքով զոհվել է 1 տղամարդ, վիրավորվել է 2 մարդ: «Արմենպրես»-ի փոխանցմամբ՝ այս մասին հաղորդում է Բելգորոդի նահանգապետ Վյաչեսլավ Գլադկովը՝ նշելով, որ հարձակումն իրականացրել են Ուկրաինայի զինված ուժերը։

Զոհված տղամարդու կինն ստացել է փակ գանգուղեղային վնասվածք, դեմքի կտրած-ծակած վերքեր և ազդրի մակերեսային այրվածք։ Եվս մեկ տղամարդ բեկորային վնասվածք է ստացել։

Նախնական տվյալներով՝ վնասվել են հինգ բնակարանների պատուհանները և պատշգամբների ապակեպատվածքները։ Վնասվել է նաև շենքի կողքին կայանված ավտոմեքենան։

Ուկրաինական լրատվամիջոցներն էլ հաղորդում են հրթիռակոծության հետևանքով Օդեսայում տեղի ունեցած պայթյունների մասին։ Հետևանքների մասին առայժմ տեղեկություններ չկան։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում