Միջազգային

ԵԽԽՎ քաղաքական հանձնաժողովը հավանություն է տվել Կոսովոյի անդամակցությանը Եվրոպայի խորհրդին

1 րոպեի ընթերցում

ԵԽԽՎ քաղաքական հանձնաժողովը հավանություն է տվել Կոսովոյի անդամակցությանը Եվրոպայի խորհրդին

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Եվրոպայի խորհրդի խորհրդարանական վեհաժողովի (ԵԽԽՎ) քաղաքական հանձնաժողովը հանդես է եկել Կոսովոյի Հանրապետության՝ Եվրախորհրդի կազմում մտնելու օգտին։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։

«Քաղաքական հարցերի հանձնաժողովի նիստը Փարիզում առաջարկել է Կոսովոյին հրավիրել Եվրոպայի խորհրդի անդամ դառնալ»,- ասվում է ԵԽԽՎ պաշտոնական էջում հրապարակված հաղորդագրության մեջ։ Նշվում է, որ հաջորդ քայլերը լինելու են ապրիլի 18-ին սպասվող վեհաժողովում լիագումար քննարկումներն ու քվեարկությունը։

Փարիզում կայացած ԵԽԽՎ քաղաքական հանձնաժողովի նիստում քննարկվել է կազմակերպությանը Կոսովոյի Հանրապետության անդամակցության Պրիշտինայի դիմումը։ Զեկուցողը խորհրդարանական Դորա Բակոյանիսն էր, ով Հունաստանի արտաքին գործերի նախարարն էր այն ժամանակ, երբ Պրիշտինան Բելգրադից անկախություն հռչակեց 2008 թվականին։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում