Միջազգային

ԵՀ ղեկավարը կոչ է արել որքան հնարավոր է շուտ ԵՄ ընդունել թեկնածու երկրներին

1 րոպեի ընթերցում

ԵՀ ղեկավարը կոչ է արել որքան հնարավոր է շուտ ԵՄ ընդունել թեկնածու երկրներին

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Եվրահանձնաժողովի նախագահ Ուրսուլա ֆոն դեր Լեյենը կոչ է արել որքան հնարավոր է շուտ իրականացնել Եվրամիության ընդլայնման ծրագրերը: «Արմենպրես»-ի հաղորդմամբ՝ այս մասին հայտնում է «Ինտերֆաքս»-ը՝ վկայակոչելով «Էֆե» գործակալությունը:

«Մեր մայրցամաքում խաղաղություն և բարգավաճում կլինի միայն այն դեպքում, երբ մենք միավորենք բոլոր եվրոպացիներին ԵՄ դրոշի ներքո», - հայտարարել է ֆոն դեր Լեյենը:

Մարտին ԵՀ-ում խորհուրդ են տվել Բոսնիա և Հերցեգովինայի հետ բանակցություններ սկսել ԵՄ-ին անդամակցելու շուրջ, որի մասին քննարկումները նախատեսված են այս շաբաթ Բրյուսելում կայանալիք ԵՄ գագաթնաժողովի օրակարգում:

ԵՀ ղեկավարը ելույթի ընթացքում նաև հիշեցրել է, որ ԵՄ-ին անդամակցելու թեկնածու երկրի կարգավիճակ արդեն ստացել են Ուկրաինան և Վրաստանը, իսկ ավելի վաղ Մոլդովան, ինչպես նաև բանակցություններ են սկսվել Ալբանիայի և Հյուսիսային Մակեդոնիայի հետ:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում