Լեհ ֆերմերները կրկին արգելափակել են Սլովակիայի հետ սահմանը
1 րոպեի ընթերցում
![Լեհ ֆերմերները կրկին արգելափակել են Սլովակիայի հետ սահմանը](http://armenpress.am/resized/480/static/news/b/2024/03/1132562.jpg)
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Լեհ ֆերմերները կրկին փակել են Սլովակիայի հետ սահմանը՝ փորձելով կանխել այնտեղից ուկրաինական էժան սննդամթերքի ներկրումը։
«Արմենպրես»-ի փոխանցմամբ՝ ֆերմերները բողոքում են այս ճանապարհով երրորդ երկրներից, մասնավորապես՝ Ուկրաինայից հացահատիկի անվերահսկելի ներկրման դեմ։
Ֆերմերները դեմ են նաև Բրյուսելի առաջարկած բնապահպանական ծրագրին:
«Մենք պայքարում ենք, որ ոչ ոք չգա մեր «տուն» և թելադրի, թե ինչ անենք, ինչպես ապրենք, ինչ արտադրենք: Մենք՝ ֆերմերներս, լավ գիտենք՝ ինչ արտադրել, երբ դուրս գալ դաշտ, երբ տնկել, երբ հնձել»,- ակցիայի մասնակիցներից մեկի խոսքերն է մեջբերել Euronews-ը:
Ամբողջ Եվրոպայում ֆերմերները վրդովված են ԵՄ կլիմայական քաղաքականությունից և Ուկրաինայից էժան սննդի ներմուծումից, ինչը, ըստ նրանց, ապակայունացրել է իրավիճակը շուկայում և իրենց կանգնեցրել է գոյատևման եզրին:
Լեհ ֆերմերների բողոքի ցույցերը սկսվել են 2023 թվականի նոյեմբերին։