Բայդենը հայտարարել է, որ ամերիկյան զինուժը Ուկրաինա չի ուղարկվի
1 րոպեի ընթերցում
![Բայդենը հայտարարել է, որ ամերիկյան զինուժը Ուկրաինա չի ուղարկվի](http://armenpress.am/resized/480/static/news/b/2024/03/1132034.jpg)
ԵՐԵՎԱՆ, 8 ՄԱՐՏԻ, ԱՐՄԵՆՊՐԵՍ: ԱՄՆ նախագահ Ջո Բայդենը հայտարարել է, որ ամերիկացի զինվորականները չեն մասնակցում և չեն մասնակցի Ուկրաինայում ռազմական գործողություններին:
Ինչպես հաղորդում է«Արմենպրես»-ը` վկայակոչելով «Ինտերֆաքս»-ը, այս մասին ԱՄՆ նախագահը հայտնել է մարտի 8-ին ելույթ ունենալով Կոնգրեսի ղեկավարների առջև:
«Ամերիկացի զինվորները չեն մասնակցում Ուկրաինայի պատերազմին, և ես մտադիր եմ այնպես անել, որ այդպես էլ մնա»,-հայտարարել է նա:
Նա նշել է, որ Ուկրաինան ինքն էլ միայն զենք է խնդրում, այլ ոչ թե իր տարածք ամերիկյան զորքեր մտցնել։