Չեխիայում 3,9 մագնիտուդ ուժգնությամբ երկրաշարժ է գրանցվել

1 րոպեի ընթերցում

ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ։ Չեխիայի հարավ-արևմուտքում 3,9 մագնիտուդ ուժգնությամբ երկրաշարժ է տեղի ունեցել։

«Արմենպրես»-ի փոխանցմամբ՝ այս մասին հայտնում է «ՌԻԱ Նովոստ»-ն։

Տուժածների մասին տեղեկություններ չկան։

Երկրաշարժը գրանցվել է Միրոտիցե քաղաքի մոտակայքում։ Էպիկենտրոնը եղել է 18 կմ խորությամբ։

Հանրապետությունում 3,2 մագնիտուդ ուժգնությամբ երկրաշարժ եղել է նախորդ տարվա նոյեմբերին։