Հունգարիայի նախագահը վավերացրել է Շվեդիայի անդամակցությունը ՆԱՏՕ-ին

ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Հունգարիայի նախագահ Տամաշ Շույոկը պաշտոնավարման առաջին օրը ստորագրել է ՆԱՏՕ-ին Շվեդիայի անդամակցության վավերացումը։ Այս մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։

«Հանրապետության նախագահ Տամաշ Շույոկն այսօր ստորագրել է 2024 թվականի փետրվարի 26-ի խորհրդարանական որոշումը Շվեդիայի՝ ՆԱՏՕ-ին միանալու մասին», - հաղորդում է նախագայի մամուլի ծառայությունը։