Թրամփն իր կալվածքում հաջորդ շաբաթ կհյուրընկալի Հունգարիայի վարչապետ Օրբանին
1 րոպեի ընթերցում
![Թրամփն իր կալվածքում հաջորդ շաբաթ կհյուրընկալի Հունգարիայի վարչապետ Օրբանին](http://armenpress.am/resized/480/static/news/b/2024/02/1131421.jpg)
ԵՐԵՎԱՆ, 29 ՓԵՏՐՎԱՐԻ, ԱՐՄԵՆՊՐԵՍ։ ԱՄՆ նախկին նախագահ Դոնալդ Թրամփը հաջորդ շաբաթ Ֆլորիդայում գտնվող Մար-ա-Լագոյի իր կալվածքում կհյուրընկալի Հունգարիայի վարչապետ Վիկտոր Օրբանին։ «Արմենպրես»-ի փոխանցմամբ՝ այս մասին հայտնում է Bloomberg-ը՝ վկայակոչելով իր աղբյուրին։
Սպասվում է, որ հանդիպումը կկայանա մարտի 8-ին։ Ինչպես նշում է Bloomberg-ը, նման քայլը կարող է մեծացնել ԱՄՆ դաշնակիցների մտահոգությունները՝ կապված ԱՄՆ նախկին առաջնորդի՝ իշխանության վերադառնալու հեռանկարի հետ։
Փետրվարի 24-ին Թրամփը հանդիպել է Արգենտինայի նախագահ Խավիեր Միլեյի հետ Վաշինգտոնում Պահպանողական քաղաքական գործողությունների համաժողովում նրա ելույթից առաջ։