Սա հրաշալի հիմք է Հայաստան-ԵՄ համագործակցության համար․ Կալյուրանդը շնորհավորել է Հայաստանին ՄՔԴ-ին միանալու առթիվ

ԵՐԵՎԱՆ: 7 ՓԵՏՐՎԱՐԻ: ԱՐՄԵՆՊՐԵՍ: Եվրոպական խորհրդարանում Հարավային Կովկասի հետ հարաբերությունների պատվիրակության ղեկավար Մարինա Կալյուրանդը շնորհավորել է Հայաստանին՝ Միջազգային քրեական դատարանին պաշտոնապես միանալու կապակցությամբ:

«Արմենպրես»-ի հաղորդմամբ՝ պատգամավորն այս առիթով գրառում է կատարել X սոցիալական հարթակի իր էջում:

Sincere congratulations to Armenia on formally joining the International Criminal Court on 1 February 2024! A clear signal of the country's commitment to the rule of law and a great basis for EU-Armenia cooperation. https://t.co/2BCYDcr2CG

— Marina Kaljurand MEP (@MarinaKaljurand) February 6, 2024

«Անկեղծ շնորհավորանքներս Հայաստանին՝ 2024 թվականի փետրվարի 1-ին Միջազգային քրեական դատարանին պաշտոնապես միանալու կապակցությամբ: Սա երկրի՝ օրենքի գերակայության նկատմամբ ունեցած հանձնառության հստակ նշան է և հրաշալի հիմք ԵՄ-Հայաստան համագործակցության համար»,- եզրափակել է նա:

Հայաստանի խորհրդարանը Հռոմի կանոնադրությունը վավերացրել էր 2023 թվականի հոկտեմբերի 3-ին։ Միջազգային քրեական դատարանը 2023 թվականի նոյեմբերին հայտնել էր, որ Հայաստանի համար Հռոմի ստատուտն ուժի մեջ կմտնի 2024 թվականի փետրվարի 1-ից։