Նիդեռլանդները պատրաստում է ևս վեց F-16 կործանիչներ Ուկրաինայի համար
1 րոպեի ընթերցում
![Նիդեռլանդները պատրաստում է ևս վեց F-16 կործանիչներ Ուկրաինայի համար](http://armenpress.am/resized/480/static/news/b/2024/02/1129601.jpg)
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ։ Նիդեռլանդները պատրաստում է ևս վեց F-16 ինքնաթիռ Ուկրաինայի համար, ուստի Կիևին տրամադրվելիք կործանիչների ընդհանուր թիվը կհասնի 24-ի։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է Նիդերլանդների թագավորության պաշտպանության նախարար Կայսա Օլոնգրենը։
«Նիդեռլանդների պաշտպանության նախարարությունը ավելի վաղ խոստացել էր Ուկրաինային մատակարարել F-16 կործանիչներ»,- ասել է Օլոնգրենը։
Դեկտեմբերի վերջին Նիդեռլանդների վարչապետ Մարկ Ռյուտեն հայտարարել էր, որ Վլադիմիր Զելենսկուն տեղեկացրել է իր որոշման մասին՝ առաջին տասնութ F-16 կործանիչներն Ուկրաինա առաքելու վերաբերյալ։ Հաագայում նշել են, որ ակնկալում են կործանիչները Կիև ուղարկել 2024 թվականին։