Երևանի քաղաքապետարանը նախատեսում է վարչական շրջաններում թենիսի կորտեր կառուցել
1 րոպեի ընթերցում
![Երևանի քաղաքապետարանը նախատեսում է վարչական շրջաններում թենիսի կորտեր կառուցել](http://armenpress.am/resized/480/static/news/b/2024/01/1129051.jpg)
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ։ Երևանի վարչական շրջանների տարածքներում թենիսի կորտերի կառուցման նպատակով համապատասխան տարածք տրամադրելու համար քաղաքապետարանի Շինարարության և բարեկարգման վարչության կողմից շրջաբերական է առաքվել վարչական շրջանների ղեկավարներին։
«Արմենպրես»-ի հաղորդմամբ՝ այս մասին Երևանի քաղաքապետարանի հունվարի 29-ի գործակարգավարական խորհրդակցությանը տեղեկացրել է Շինարարության և բարեկարգման վարչության պետի պաշտոնակատար Տիգրան Գեղամյանը՝ հավելելով, որ Արաբկիր և Շենգավիթ վարչական շրջաններն արդեն ներկայացրել են հստակ տարածքներ։
«Մնացյալ մասով դեռևս ընթանում են քննարկումներ՝ տարածքի համապատասխան ընտրության ուղղությամբ։ Միաժամանակ հայտնում եմ, որ Քանաքեռ- Զեյթուն վարչական շրջանում արդեն իսկ ընթանում են կորտի կառուցման նախագծանախահաշվային փաստաթղթեր պատվիրելու նպատակով մրցույթ հայտարարելու համար տեխնիկական առաջադրանքի կազմման աշխատանքներ»,-հավելել է Գեղամյանը։