ԱՄՆ Սենատի հանձնաժողովը պաշտպանել է Ռուսաստանի ակտիվները Կիևին փոխանցելու մասին օրինագիծը
1 րոպեի ընթերցում
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: ԱՄՆ Սենատի արտաքին հարաբերությունների հանձնաժողովը պաշտպանել է օրինագիծը, որը նախատեսում է Վաշինգտոնի կողմից բռնագրավված ռուսական ակտիվների փոխանցումը Ուկրաինային։ Այդ մասին տեղեկացնում է «Արմենպրես»-ը՝ վկայակոչելով «ТАСС»-ը։
«Այո, նախագիծն ընդունվեց, 20 օրենսդիրներ կողմ քվեարկեցին, դեմ է արտահայտվել մեկ սենատոր», - հայտնել է հանձնաժողովի ներկայացուցիչը։
Փաստաթղթի տեքստում խոսվում է Ուկրաինային լրացուցիչ օգնություն տրամադրելու մասին՝ օգտագործելով Ռուսաստանի Դաշնության Կենտրոնական բանկից բռնագրավված ակտիվները, ինչպես նաև Ռուսաստանի Դաշնության այլ ակտիվները:
Միևնույն ժամանակ նշվում է, որ ԱՄՆ-ի կողմից Ռուսաստանի ակտիվները բռնագրավելու և փոխանցելու ցանկացած ջանք պետք է իրականացվի միջազգային դաշնակիցների և գործընկերների հետ՝ որպես համակարգված բազմակողմ գործողությունների մաս, ներառյալ G7 երկրների, Եվրամիության, Ավստրալիայի և այլ երկրների հետ, որտեղ Ռուսաստանի ակտիվներ են գտնվում: Այժմ օրինագիծը պետք է ընդունվի Սենատի, իսկ հետո Ներկայացուցիչների պալատի կողմից, որի դեպքում այն կանցնի նախագահ Ջո Բայդենին՝ ստորագրության համար: