Չինաստանում սողանքը 8 մարդու կյանք է խլել, տասնյակ մարդիկ անհետ կորած են
1 րոպեի ընթերցում
![Չինաստանում սողանքը 8 մարդու կյանք է խլել, տասնյակ մարդիկ անհետ կորած են](http://armenpress.am/resized/480/static/news/b/2024/01/1128583.jpg)
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ։ Չինաստանի Յուննան նահանգում տեղի ունեցած սողանքի հետևանքով առնվազն 8 մարդ է զոհվել, տասնյակ մարդիկ անհետ կորած են զրոյից ցածր ջերմաստիճանի պայմաններում։
«Արմենպրես»-ի փոխանցմամբ՝ BBC-ն հաղորդում է, որ դեպքը տեղի է ունեցել Չժաոտուն քաղաքում՝ տեղի ժամանակով ժամը 05։51-ին, երբ շատերը քնած են եղել։ 47 մարդ մնացել է սողանքի տակ։ Ավելի քան 500 մարդ տարհանվել է։ Դեպքի վայր է ուղարկվել գրեթե 1000 փրկարար։
Սողանքի պատճառն առայժմ հայտնի չէ։