Պաղեստինի «Կարմիր մահիկ»-ը հայտարարել է, որ իսրայելական ԱԹՍ-ները հարվածներ են հասցրել Գազայում հիվանդանոցին
1 րոպեի ընթերցում
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Պաղեստինյան «Կարմիր մահիկ»-ը Իսրայելին մեղադրել է Խան Յունիս քաղաքի հիվանդանոցին հարվածներ հասցնելու մեջ:
«Արմենպրես»-ի հաղորդմամբ՝ այս մասին հայտնում է Reuters-ը:
«Կարմիր մահիկ»-ը հայտնել է, որ տեղահանված մարդիկ վիրավորվել են իսրայելական անօդաչու թռչող սարքերի ինտենսիվ հարվածների հետևանքով, որոնք ուղղված են եղել Ալ-Ամալ հիվանդանոցում եղած անձանց, ինչպես նաև փրկարարական գործակալության բազային: Զինվորականները հայտնել են, որ ստուգում են զեկույցը:
Նույն քաղաքի մոտակայքում իսրայելական տանկերը մոտենում են Գազայի ամենամեծ գործող հիվանդանոցին՝ Նասերին, որտեղ մարդիկ հայտնել են, որ կրակոցներ են լսում:
Իսրայելը այս շաբաթ նոր առաջխաղացում է ձեռնարկել Խան Յունիսում՝ քաղաքը գրավելու համար: