Եմենը կշարունակի հարձակումներն իսրայելական նավերի վրա. Իրանի ԱԳ նախարար
1 րոպեի ընթերցում
![Եմենը կշարունակի հարձակումներն իսրայելական նավերի վրա. Իրանի ԱԳ նախարար](http://armenpress.am/resized/480/static/news/b/2024/01/1128096.jpg)
ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Իրանի արտաքին գործերի նախարար Հոսեյն Ամիր Աբդոլլահիանը հայտնել է, որ Եմենը կշարունակի հարձակումները Կարմիր ծովի նավերի վրա, որոնք սնունդ և վառելիք են տեղափոխում Իսրայել, քանի դեռ Գազայի հատվածում չեն դադարել ռազմական գործողությունները:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ն, այս մասին Իրանի ԱԳ նախարարը հայտնել է լրագրողների հետ հանդիպման ժամանակ:
«Եմենի բարձրաստիճան պաշտոնյաները մեզ վստահեցրել են, որ չեն խախտի ծովային անվտանգությունը: Նրանք նաև ասացին, որ քանի դեռ Գազայի հատվածքում պատերազմը շարունակվում է, իրենք շրջափակելու են իսրայելական կամ Թել Ավիվ մեկնող նավերը», -շեշտել է նա: