ԱՄՆ-ն շարունակում է հավատալ Հայաստանի և Ադրբեջանի միջև կայուն խաղաղության հնարավորությանը․ Պատել
1 րոպեի ընթերցում
![ԱՄՆ-ն շարունակում է հավատալ Հայաստանի և Ադրբեջանի միջև կայուն խաղաղության հնարավորությանը․ Պատել](http://armenpress.am/resized/480/static/news/b/2024/01/1127864.jpg)
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ։ Ամերիկայի Միացյալ նահանգները շարունակում է հավատալ, որ Հայաստանի և Ադրբեջանի միջև կայուն խաղաղությունը հնարավոր է։ Ինչպես հաղորդում է «Արմենպրես»-ը, ճեպազրույցի ժամանակ այս մասին հայտարարել է ԱՄՆ պետդեպարտամենտի խոսնակի տեղակալ Վեդանտ Պատելը։
«Մենք շարունակում ենք հավատալ, որ Հայաստանի և Ադրբեջանի միջև կայուն խաղաղությունը հնարավոր է։ Պետքարտուղարությունը կշարունակի աշխատել այդ ուղղությամբ»,- հայտարարել է Պատելը։
Նա հավելել է, որ ԱՄՆ պետքարտուղարի կովկասյան բանակցությունների հարցերով խորհրդական Լուի Բոնոն, պետքարտուղար Էնթոնի Բլինքենը և այլոք շարունակում են խորապես ներգրավված լինես այդ հարցում։