Պապուա Նոր Գվինեայում անկարգություններից հետևանքով առնվազն 15 մարդ է զոհվել, հայտարարվել է արտակարգ դրություն
1 րոպեի ընթերցում
![Պապուա Նոր Գվինեայում անկարգություններից հետևանքով առնվազն 15 մարդ է զոհվել, հայտարարվել է արտակարգ դրություն](http://armenpress.am/resized/480/static/news/b/2024/01/1127837.jpg)
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Պապուա Նոր Գվինեայի վարչապետը երկրում արտակարգ դրություն է հայտարարել՝ դադարեցնելով կառավարության և ոստիկանության աշխատակիցների աշխատանքը:
«Արմենպրես»-ի հաղորդմամբ՝ այս մասին հայտնում է BBC-ն:
Երկրում անկարգությունների հետևանքով առնվազն 15 մարդ է զոհվել:
Անկարգությունները սկսվել են այն բանից հետո, երբ ոստիկանները և պետական այլ ծառայողներ բողոքի ակցիա են կազմակերպել խորհրդարանի մոտ՝ պարզելով, որ իրենց աշխատավարձերը կրճատվել են մինչև 50 տոկոսով:
Ի պատասխան՝ վարչապետ Ջեյմս Մարապեն հայտնել է, որ սխալմունք է եղել, աշխատավարձի կրճատումը համակարգչային անսարքության պատճառով է եղել: Նա վստահեցրել է, որ սխալը կուղղվի հաջորդ ամսվա վճարումների ժամանակ։
Բայց այս պատասխանը չի ընդունվել շատ ցուցարարների կողմից, նրանցից ոմանք փորձել են մտնել խորհրդարանի շենք: