Միջազգային

Էստոնիայի վարչապետը խոստացել է առաջիկա չորս տարում Կիև ուղարկել երկրի ՀՆԱ-ի 0,25 տոկոսը

1 րոպեի ընթերցում

Էստոնիայի վարչապետը խոստացել է առաջիկա չորս տարում Կիև ուղարկել երկրի ՀՆԱ-ի 0,25 տոկոսը

ԵՐԵՎԱՆ, 9 ՀՈւՆՎԱՐԻ, ԱՐՄԵՆՊՐԵՍ: Առաջիկա չորս տարում Էստոնիան Կիևին ռազմական օգնություն կտրամադրի երկրի համախառն ներքին արդյունքի 0,25 տոկոսի չափով: Ինչպես հաղորդում է «Արմենպրես»-ը, այդ մասին հայտարարել է Էստոնիայի վարչապետ Կայա Կալլասը։

«Եթե յուրաքանչյուր երկիր ներդնի 0,25-ական տոկոս, ապա դա այն է, ինչը պետք է Ուկրաինային»,- Էստոնիայի կառավարության ղեկավարի խոսքերը մեջբերել է ERR հեռուստառադիոհեռարձակման հարթակը։

Կալլասը կոչ է արել Եվրոպայի, Հյուսիսային Ամերիկայի երկրներին և մյուս պետություններին հետևել այս օրինակին։

Նա հավելել է, որ 2022 թվականից ի վեր Էստոնիան Ուկրաինային տրամադրել է գրեթե 500 միլիոն եվրո գումարի ռազմական օգնություն։

Նրա խոսքով՝ հետագա տարիներին Էստոնիան տարեկան 14 մլն եվրո կհատկացնի Ուկրաինայի վերականգնման համատեղ գործողությունների համար։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում