Լատվիայում արգելափակվել է մուտքը Yandex-ի հետ կապված կայքեր
1 րոպեի ընթերցում
![Լատվիայում արգելափակվել է մուտքը Yandex-ի հետ կապված կայքեր](http://armenpress.am/resized/480/static/news/b/2023/12/1127120.jpg)
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Լատվիայի էլեկտրոնային լրատվամիջոցների ազգային խորհուրդը արգելափակել է մուտքը երկրում գործող և Yandex-ի հետ կապ ունեցող բոլոր կայքերը։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է խորհրդի նախագահ Իվար Աբոլինշան։
Նշվում է, որ Լատվիայի իշխանությունները նաև նախատեսում են ապագայում արգելափակել մուտքը Yandex Music հարթակ, որտեղ կարելի լսել փոդքասթներ, որոնք իբր ստեղծվել են Լատվիայում պատժամիջոցների ենթարկված անձանց կողմից: