Երևանի քաղաքապետը Հովհաննես Չեքիջյանին պարգևատրել է «Արգիշտի առաջին» հուշամեդալով
1 րոպեի ընթերցում
![Երևանի քաղաքապետը Հովհաննես Չեքիջյանին պարգևատրել է «Արգիշտի առաջին» հուշամեդալով](http://armenpress.am/resized/480/static/news/b/2023/12/1126865.jpg)
ԵՐԵՎԱՆ, 24 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի քաղաքապետ Տիգրան Ավինյանը ՀՀ ազգային հերոս Հովհաննես Չեքիջյանի 95-րդ հոբելյանի առթիվ վերջինիս պարգևատրել է «Արգիշտի առաջին» հուշամեդալով: «Արմենպրես»-ն այս մասին տեղեկանում է Տիգրան Ավինյանի «Ֆեյսբուք»-ի էջում կատարված գրառումից:
«Ներկա էի Հայաստանի ազգային հերոս, Երևանի պատվավոր քաղաքացի, մաեստրո Հովհաննես Չեքիջյանի 95-րդ հոբելյանի միջոցառմանը:
Սիրելի՛ մաեստրո, Ձեր ուժն ու եռանդն իսկապես նախանձելի են և օրինակելի:
Շնորհակալ ենք հայ երգարվեստում Ձեր ունեցած ներդրման համար, լիահույս եմ, որ «Արգիշտի առաջին» հուշամեդալն իր ուրույն տեղը կգտնի ձեր մյուս մեդալների և մրցանակների շարքում»,- գրել է քաղաքապետը՝ կից հրապարակելով նաև լուսանկարներ հոբելյանական երեկոյից: