Նորատուսի արվեստի դպրոցը դրամաշնորհային ծրագրերով անհրաժեշտ միջոցներ է ձեռք բերել

ԳԱՎԱՌ, 19 ԴԵԿՏԵՄԲԵՐԻ, ԱՐՄԵՆՊՐԵՍ։ Գեղարքունիքի մարզի Գավառ համայնքի Նորատուս գյուղի արվեստի դպրոցը Գավառի համայնքապետարանի կողմից տրամադրված 2023 թվականի կապիտալ դրամաշնորհի շրջանակներում անհրաժեշտ գույք է ձեռք բերել։

Ինչպես «Արմենպրես»-ը տեղեկացավ Գավառի համայնքապետարանի աշխատակազմից,

Գավառ համայնքի 2023 թվականի բյուջեից հատկացված 700 հազար դրամով գնվել է ուսուցչի 2 սեղան, տարազային հագուստներ, փոշեկուլ։

Համայնքապետարանի կողմից տրամադրված լրացուցիչ ֆինանսական միջոցներով, որը կազմում է շուրջ 350 հազար դրամ, վերանորոգվել է արվեստի դպրոցի շենքի՝ երկրորդ հարկ տանող աստիճանները։

Իսկ Գավառ համայնքի 2022 թվականի բյուջեից հատկացված 700 հազար դրամով էլ դպրոցի դահլիճի համար ձեռք են բերվել վարագույրներ։

Խոսրով Խլղաթյան