ՄԱԿ-ում ՌԴ մշտական ներկայացուցիչը զգուշացրել է, որ Սիրիան մերձավորարևելյան հակամարտության մեջ ներքաշվելու եզրին է
1 րոպեի ընթերցում
![ՄԱԿ-ում ՌԴ մշտական ներկայացուցիչը զգուշացրել է, որ Սիրիան մերձավորարևելյան հակամարտության մեջ ներքաշվելու եզրին է](http://armenpress.am/resized/480/static/news/b/2023/11/1125145.jpg)
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: ՄԱԿ-ում Ռուսաստանի մշտական ներկայացուցիչ Վասիլի Նեբենզյան զգուշացրել է, որ Սիրիան կարող է ներքաշվել մերձավորարևելյան հակամարտության մեջ: «Արմենպրես»-ի հաղորդմամբ այս մասին հայտնում է gazeta-ն՝ վկայակոչելով նրա հայտարարությունը:
Մշտական ներկայացուցչի խոսքով՝ ծանր իրավիճակը Սիրիայում սրվում է Պաղեստինի և Իսրայելի միջև հակամարտության կտրուկ սրմամբ: Նա նշել է, որ Սիրիան, ինչպես և մերձավորարևելյան տարածաշրջանում նրա որոշ հարևաններ, առճակատման մեջ ներքաշվելու եզրին են: