Ֆրանսիական «Հայրենասերներ» կուսակցությունը Զելենսկիին կոչ է արել բանակցել Ռուսաստանի հետ
1 րոպեի ընթերցում
![Ֆրանսիական «Հայրենասերներ» կուսակցությունը Զելենսկիին կոչ է արել բանակցել Ռուսաստանի հետ](http://armenpress.am/resized/480/static/news/b/2023/11/1124949.jpg)
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ։ Ֆրանսիական «Հայրենասերներ» կուսակցության առաջնորդ Ֆլորիան Ֆիլիպոնը սոցիալական ցանցի X հարթակում արևմտյան երկրներին կոչ է արել Ուկրաինայի նախագահ Վլադիմիր Զելենսկիին մղել Ռուսաստանի հետ խաղաղ բանակցությունների։ Այդ մասին տեղեկացնում է «Արմենպրես»-ը՝ վկայակոչելով «Lernta.ru»-ն։
«Եկեք դադարեցնենք այս ջարդը, դադարեցնենք ուկրաինացիներին բանակ զորակոչելն իրենց կամքին հակառակ, դադարենք այնտեղ փող ու զենք ուղարկել, եկեք ստիպենք Զելենսկիին բանակցել»,-գրել է նա։
Ֆիլիպոն նաև կոչ է արել չեղարկել հակառուսական պատժամիջոցները և սկսել երկխոսություն Մոսկվայի հետ։
Ավելի վաղ քաղաքական գործիչը հայտարարել էր, որ Եվրամիության կողմից Կիևի հատկացվող մակրոֆինանսական օգնության ծրագիրը խելագարություն է, քանի որ Ուկրաինան ամբողջովին կոռումպացված է։