Շվեյցարիայի նախագահը ժամանել է Կիև
1 րոպեի ընթերցում
![Շվեյցարիայի նախագահը ժամանել է Կիև](http://armenpress.am/resized/480/static/news/b/2023/11/1124921.jpg)
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ։ Շվեյցարիայի նախագահ Ալեն Բերսեն աշխատանքային այցով ժամանել է Կիև։ Ինչպես տեղեկացնում է «Արմենպրես»-ը՝ այդ մասին նա հայտնել է X սոցիալական ցանցի իր էջում։
Պետության ղեկավարի խոսքով՝ ինքն Ուկրաինա է ժամանել պարենային անվտանգության հարցերով միջազգային գագաթնաժողովին մասնակցելու, ինչպես նաև իր ուկրաինացի գործընկեր Վլադիմիր Զելենսկու հետ հանդիպելու համար։
Պարենային անվտանգության հարցերով միջազգային գագաթնաժողովում, ի թիվս կարևոր հարցերի, քննարկվելու են հատկապես ուկրաինական հացահատիկի արտահանման հետ կապված խնդիրները։