Լուկաշենկոն հրամանագրեր է ստորագրել Բելառուսում խորհրդարանական ընտրությունների անցկացման ժամկետների վերաբերյալ
1 րոպեի ընթերցում
![Լուկաշենկոն հրամանագրեր է ստորագրել Բելառուսում խորհրդարանական ընտրությունների անցկացման ժամկետների վերաբերյալ](http://armenpress.am/resized/480/static/news/b/2023/11/1124547.jpg)
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն հրամանագրեր է ստորագրել 2024 թվականի փետրվարի 25-ին երկրի խորհրդարանի ստորին պալատի, 2024 թվականի ապրիլի 4-ին վերին պալատի ընտրություններ նշանակելու մասին:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին նոյեմբերի 20-ին հաղորդել է պետության ղեկավարի մամուլի ծառայությունը։
«Բելառուսի նախագահ Ալեքսանդր Լուկաշենկոն նոյեմբերի 20-ին ստորագրել է «Պատգամավորների ընտրություններ նշանակելու մասին» և «Բելառուսի Հանրապետության Ազգային ժողովի խորհրդի ընտրություններ նշանակելու մասին» հրամանագրերը»,-հայտնում է պետության ղեկավարի կայքը։