Հայաստան-Թուրքիա սահմանը երրորդ երկրների քաղաքացիների համար սահմանի բացումը կլինի մեծ խորհրդանիշ կրող քայլ․ վարչապետ
1 րոպեի ընթերցում
![Հայաստան-Թուրքիա սահմանը երրորդ երկրների քաղաքացիների համար սահմանի բացումը կլինի մեծ խորհրդանիշ կրող քայլ․ վարչապետ](http://armenpress.am/resized/480/static/news/b/2023/11/1124450.jpg)
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ։ Վարչապետ Նիկոլ Փաշինյանը հույս ունի, որ առաջիկայում կլսեն Հայաստան-Թուրքիա սահմանի՝ երրորդ երկրների քաղաքացիների և դիվանագիտական անձնագիր կրողների համար բացելու նորությունը։ «Արմենպրես»-ի հաղորդմամբ՝ վարչապետն այս մասին ասաց ԵԱՀԿ խորհրդարանական վեհաժողովի Երևանում մեկնարկած աշնանային նստաշրջանի բացմանը։
«Մենք երկխոսության մեջ ենք նաև Թուրքիայի հետ: Համենայնդեպս, նախկինում նման ակտիվ երկխոսություն երբեք չենք ունեցել, չնայած՝ դիվանագիտական հարաբերությունների հաստատման առումով դեռեւս որեւէ հաջողություն չունենք:
Բայց Թուրքիայի հետ Հայաստանի հարաբերությունների կարգավորումը կարեւորագույն գործոն է մեր տարածաշրջանի՝ Հարավային Կովկասի՝ խաղաղ, զարգացող ու անվտանգ միջավայրի ռազմավարական տեսլականի համար: Առաջիկայում հույս ունենք Հայաստան-Թուրքիա սահմանի՝ երրորդ երկրների քաղաքացիների եւ դիվանագիտական անձնագիր կրողների համար բացելու նորությունը լսել, եւ սա կլինի մեծ խորհրդանիշ կրող քայլ»,- ասաց Փաշինյանը։