Մակրոնն Իսրայելին կոչ է արել դադարեցնել Գազայում կանանց և երեխաների սպանությունը
1 րոպեի ընթերցում
![Մակրոնն Իսրայելին կոչ է արել դադարեցնել Գազայում կանանց և երեխաների սպանությունը](http://armenpress.am/resized/480/static/news/b/2023/11/1123955.jpg)
ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնը Իսրայելին կոչ է արել դադարեցնել երեխաների և կանանց սպանությունները Գազայում:
«Արմենպրես»-ի փոխանցմամբ՝ այս մասին Մակրոնն ասել է BBC-ի հետ հարցազրույցում:
Մակրոնն ասել է, որ ռմբակոծության համար «ոչ մի արդարացում» չկա:
«Ընդունելով Իսրայելի՝ իրեն պաշտպանելու իրավունքը, մենք կոչ ենք անում նրանց դադարեցնել այս ռմբակոծությունը Գազայում»,-ասել է Մակրոնը:
Բայց նա նաև ընդգծել է, որ Ֆրանսիան ակնհայտորեն դատապարտում է ՀԱՄԱՍ-ի «ահաբեկչական գործողությունները»: