Գազայի հատվածում ՄԱԿ-ի ևս հինգ աշխատակից է զոհվել
1 րոպեի ընթերցում
![Գազայի հատվածում ՄԱԿ-ի ևս հինգ աշխատակից է զոհվել](http://armenpress.am/resized/480/static/news/b/2023/11/1123636.jpg)
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ։ Գազայի հատվածում վերջին 24 ժամվա ընթացքում ՄԱԿ-ի՝ Պաղեստինի փախստականների օգնության և աշխատանքի գործակալության հինգ աշխատակից է զոհվել։
«Արմենպրես»-ի հաղորդմամբ՝ ինչպես հայտնում է ՌԻԱ Նովոստին, այս մասին նշված է ՄԱԿ-ի՝ Պաղեստինի փախստականների օգնության և աշխատանքի գործակալության զեկույցում, որի համաձայն, Գազայի հատվածում հակամարտության սրվելուց հետո իրենց զոհված աշխատակիցների ընդհանուր թիվը հասել է 88-ի։
Բացի այդ, մարտերը սկսելուց ի վեր կազմակերպության առնվազն 25 աշխատակից է վիրավորվել։