Հայաստանի ու Գերմանիայի ԱԳ նախարարները քննարկում են երկկողմ և տարածաշրջանային օրակարգին առնչվող հարցեր
1 րոպեի ընթերցում
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ։ Երևանում Հայաստանի և Գերմանիայի արտաքին գործերի նախարարներ Արարատ Միրզոյանի և Անալենա Բերբոքի հանդիպման ընթացքում քննարկվում են հայ-գերմանական երկկողմ և տարածաշրջանային օրակարգին առնչվող հարցեր։
Ինչպես հաղորդում է «Արմենպրես»-ը, այս մասին հայտնել է ՀՀ ԱԳՆ մամուլի խոսնակ Անի Բադալյանը։
«Այս պահին ընթացքում գտնվող՝ Հայաստանի և Գերմանիայի արտաքին գործերի նախարարների հանդիպմանը քննարկվում են հայ-գերմանական երկկողմ և տարածաշրջանային օրակարգին առնչվող հարցեր»,- «Ֆեյսբուք»-ի իր էջում գրել է Բադալյանը: