ՄԱԿ-ը հաղորդել է Գազայի հատվածում զոհված աշխատակիցների թվի աճի մասին
1 րոպեի ընթերցում
![ՄԱԿ-ը հաղորդել է Գազայի հատվածում զոհված աշխատակիցների թվի աճի մասին](http://armenpress.am/resized/480/static/news/b/2023/10/1123159.jpg)
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Յոթանասուներկու ժամվա ընթացքում Գազայի հատվածում զոհվել է ՄԱԿ-ի Մերձավոր Արևելքում Պաղեստինի փախստականների օգնության և աշխատանքների գործակալության տասը աշխատակից:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին ասվում է գործակալության տարածած հաղորդագրության մեջ:
«Վերջին 72 ժամվա ընթացքում գործակալության ևս 10 աշխատակից է զոհվել՝ հոկտեմբերի 7-ից ի վեր զոհվածների ընդհանուր թիվը հասցնելով 63-ի», - ասվում է հաղորդագրության տեքստում:
Կազմակերպությունը մանրամասնում է՝ հոկտեմբերի 7-ից ի վեր առնվազն 22 աշխատակից վիրավորվել է: