Իսրայելի պաշտպանության նախարարը հայտարարել է, որ իրենք շահագրգռված չեն Լիբանանի հետ սահմանին լարվածության աճով

ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ։ Իսրայելի պաշտպանության նախարար Յոավ Գալանտը հայտարարել է, որ իր երկիրը կենտրոնացած է Գազայի հատվածի շուրջ գործողությունների վրա և շահագրգռված չէ Լիբանանի հետ սահմանին լարվածության սրմամբ, սակայն բանակը պատրաստ է ցանկացած սցենարի։

«Արմենպրես»-ի հաղորդմամբ՝ ինչպես տեղեկացնում է ՏԱՍՍ-ը, այս մասին նա հայտարարել է հոկտեմբերի 26-ին մամուլի ասուլիսի ընթացքում։

Գալանտի խոսքով՝ Իսրայելը պատերազմ է մղում հարավային տարածաշրջանում՝ ՀԱՄԱՍ-ի դեմ, սակայն պատրաստ է ցանկացած զարգացումների հյուսիսում։

«Բայց միևնույն ժամանակ մենք շահագրգռված չենք պատերազմի ընդլայնմամբ: Եթե դա տեղի ունենա, մենք կիմանանք ինչ անել, մեր զորքերը պատրաստ են, ինչպես և ռազմաօդային ուժերը»,- ասել է Իսրայելի ռազմական գերատեսչության ղեկավարը։