Բորելը հայտարարել է, որ աջակցում է Գազայում մարդասիրական դադարի ՄԱԿ-ի կոչին
1 րոպեի ընթերցում
![Բորելը հայտարարել է, որ աջակցում է Գազայում մարդասիրական դադարի ՄԱԿ-ի կոչին](http://armenpress.am/resized/480/static/news/b/2023/10/1122633.jpg)
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Եվրամիության դիվանագիտության ղեկավար Ժոզեպ Բորելը աջակցում է Գազայում մարդասիրական դադար վերցնելու ՄԱԿ-ի կոչին ՝ պաղեստինցի բնակչությանը օգնություն հասցնելու համար: «Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ վկայակոչելով նրա հայտարարությունը:
«Միակ բանը, որ մենք կարող ենք անել, մարդասիրական դադար խնդրելն ու մարդասիրական օգնության հասանելիությունն ավելացնելն է: Դա մեր ձեռքերում է, և մենք դա կանենք», - ասել է նա՝ ընդգծելով, որ աջակցում է ՄԱԿ-ի մարդասիրական դադարի կոչին: Բորելը կարծում է, որ ԵՄ երկրների ղեկավարները հոկտեմբերի 26-27-ի գագաթնաժողովում նույնպես կաջակցեն այդ կոչին: