Ուկրաինան հայտարարել է 2023 թվականին պաշտպանության վրա ծախսված գումարի չափը
1 րոպեի ընթերցում
![Ուկրաինան հայտարարել է 2023 թվականին պաշտպանության վրա ծախսված գումարի չափը](http://armenpress.am/resized/480/static/news/b/2023/10/1122454.jpg)
ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ։ Ուկրաինան 2023 թվականին պաշտպանության վրա ծախսել է ավելի քան մեկ տրիլիոն գրիվնա։ Ինչպես տեղեկացնում է «Արմենպրես»-ը՝ վկայակոչելով «Lenta.ru»-ն, այդ մասին հայտնել է երկրի վարչապետ Դենիս Շմիգալը։
Նրա խոսքով՝ 2023 թվականի ինն ամիսների ընթացքում Ուկրաինան պետական բյուջեի ընդհանուր ֆոնդից ծախսել է 2,1 տրիլիոն գրիվնա։ Դրանցից 682 միլիարդը ծախսվել է զինվորականների աշխատավարձերի վրա, իսկ 349 միլիարդը՝ անհրաժեշտ տեխնիկա գնելու համար՝ զենք, զինամթերք և այլն։
«Փաստորեն մեր ծախսած բոլոր միջոցների կեսը ուղղվում է երկրի պաշտպանությանն ու անվտանգությանը», - ասել է Շմիգալը:
Ավելի վաղ Ուկրաինայի ֆինանսների նախարարությունը հայտնել էր, որ երկիրը ռազմական կարիքների համար ծախսել է պետբյուջեի գրեթե 60 տոկոսը։ Գերատեսչությունում պարզաբանել են, որ միջոցներն ուղղվել են զինծառայողներին դրամական աջակցություն ցուցաբերելու, զինտեխնիկա, զենք-զինամթերք ձեռք բերելու, բուժօգնության և այլ ծախսերի համար։