Միջազգային

Իսրայելի զինվորականները գնդակոծել են Հալեպի օդանավակայանը

1 րոպեի ընթերցում

Իսրայելի զինվորականները գնդակոծել են Հալեպի օդանավակայանը

ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Իսրայելցի զինվորականները գնդակոծել են Սիրիայի Հալեպ քաղաքի միջազգային օդանավակայանը, լույս հոկտեմբերի 15-ի գիշերը հաղորդել են արաբական լրատվամիջոցները:

Ինչպես հաղորդում է «Արմենպրես»-ը՝ վկայակոչելով Interfax-ը, դրանց տվյալներով՝ հարվածները շարքից հանել են թռիչքուղին: Դրանից մի քանի ժամ առաջ սիրիացի մասնագետներն ավարտել էին դրա վերանորոգումն այս շաբաթվա սկզբին իսրայելական մեկ այլ հարձակումից հետո։

Իսրայելական ԶԼՄ-ները գրում են, որ օդանավակայանի գնդակոծումը հաջորդել է Սիրիայի տարածքից Իսրայելի ուղղությամբ հրթիռների արձակմանը:

Իսրայելն այժմ արմատական պաղեստինյան խմբավորումների դեմ ռազմական գործողություն է իրականացնում Գազայի հատվածում: Զինվորականները նման քայլի են դիմել այն բանից հետո, երբ հոկտեմբերի 7-ին ՀԱՄԱՍ շարժումը գրոհել էր Իսրայելի հարավը։ Այս իրադարձությունները հանգեցրել են Սիրիայի և Լիբանանի հետ Իսրայելի սահմաններին լարվածության աճին։ Յուրաքանչյուր կողմից զոհված խաղաղ քաղաքացիների թիվը գերազանցել է հազարը, մի քանի հազար իսրայելցիներ և պաղեստինցիներ վիրավորվել են: Իսրայելի պաշտպանության բանակը հայտնել է, որ ՀԱՄԱՍ-ը Գազայի հատվածում ավելի քան 120 քաղաքացիական անձանց պատանդ է պահում:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում