Հայաստան սեպտեմբերին այցելել է 260 հազար զբոսաշրջիկ. ցուցանիշն աճել է 62 հազարով
1 րոպեի ընթերցում
![Հայաստան սեպտեմբերին այցելել է 260 հազար զբոսաշրջիկ. ցուցանիշն աճել է 62 հազարով](http://armenpress.am/resized/480/static/news/b/2023/10/1121559.jpg)
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստան 2023-ի սեպտեմբերին այցելել է 260 հազար զբոսաշրջիկ։ Տվյալը «Ֆեյսբուք»-ի իր էջում ներկայացրել է ՀՀ էկոնոմիկայի նախարարության զբոսաշրջության կոմիտեն՝ նշելով որ այն լավագույնն է նախորդ տարիների համեմատ (2022թ.` 198 հազար, 2019թ.` 221 հազար զբոսաշրջիկ):
«Արմենպրես»-ի հաղորդմամբ՝ աղբյուրը հավելել է, որ 2023-ի հունվար-սեպտեմբերին Հայաստան է այցելել 1 միլիոն 850 հազար զբոսաշրջիկ։