«Ուրալյան ավիաուղիների» ուղևորատար ինքնաթիռը դաշտում վթարային վայրէջք է կատարել
1 րոպեի ընթերցում
![«Ուրալյան ավիաուղիների» ուղևորատար ինքնաթիռը դաշտում վթարային վայրէջք է կատարել](http://armenpress.am/resized/480/static/news/b/2023/09/1119271.jpg)
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ։ Ռուսական «Ուրալյան ավիաուղիներ» ավիաընկերության Airbus A320 ինքնաթիռը, որը Սոչիից մեկնում էր Օմսկ, վթարային վայրէջք է կատարել Նովոսիբիրսկի մարզում՝ Ուբինսկի շրջանի ցորենի դաշտում։ Ինքնաթիռում գտնվել է 159 ուղևոր, այդ թվում՝ 23 երեխա, ինչպես նաև անձնակազմի 6 անդամ։ Միջադեպի հետևանքով ոչ ոք չի տուժել։ Այս մասին հաղորդում է «Արմենպրես»-ը՝ վկայակոչելով ТАСС-ի հրապարակումը։
Ինքնաթիռն ահազանգ է հնչեցրել և Նովոսիբիրսկի օդանավակայանում վայրէջքի թույլտվություն է խնդրել։ Խնդիրներ են առաջացել հիդրավլիկ համակարգի հետ, և մտավախություններ են առաջացել, որ պահեստային օդանավակայանում վայրէջքի ժամանակ կարող են խափանվել արգելակները։ Անձնակազմը որոշում է ընդունել ինքնաթիռն իջեցնել դաշտում՝ օդանավակայանից դուրս։
Ուղևորներից մեկը բուժօգնության կարիք է ունեցել, քանի որ նրա մոտ բարձրացել է ճնշումը։
Ուղևորներին ժամանակավորապես տեղավորել են Ուբինսկոյե գյուղի մշակույթի տանը։ Նրանց Նովոսիբիրսկ տեղափոխելու համար ուղարկվել են ավտոբուսներ։